शिक्षा तथा मानव स्रोत विकास केन्द्र, शिक्षक तालिम केन्द्र, बाराको आयोजनामा मधेश प्रदेशमा रहेका ८ ओटै जिल्लाका रोष्टर प्रशिक्षकहरूका लागि पाँच दिने लैङ‍्गिक समानता तथा समाजिक समावेशीकरणसम्बन्धी प्रशिक्षक प्रशिक्षण कार्यशाला महोत्तरीको बर्दिबासमा सञ्चालन भइरहेको छ । उक्त कार्यशलामा रोष्टर प्रशिक्षक १८ जना र केएर नेपालका ७ जना गरी २५ जनाको सहभागिता रहेको छ । कार्यशालाका लागि केएर नेपालको सहयोगमा समुन्नत नेपालले समन्वय गरिरहेको छ । कार्यशालामा शिक्षा तथा मानव स्रोत विकास केन्द्रका निर्देशक गौरी शंकर पाण्डे, चिनाकुमारी निरौला, शैक्षिक तालिम केन्द्र, बाराका प्रमुख महेन्द्र महतो, केएर नेपालकी निर्मला महर्जनले सहजीकरण गरिरहनु भएको छ ।